Orientação educativa

O Blog como ferramenta na Orientación Educativa
Daniel Veiga Martínez Departamento de Orientación I.E.S. “García Barbón” Verín -Ourense-

1.- Introducción. En primeiro lugar, quero agradecer ó presidente e o equipo directivo da Asociación Profesional de Orientación Educativa de Galicia (APOEGAL) a oportunidade que me facilitan para dar a coñecer unha parte –a máis recente- da experiencia educativa que chamamos “Orientarse con internet”. En segundo lugar, sinalar que a aportación que se vai realizar reflicte unha maneira específica de uso das novas tecnoloxías –de internet en xeral e, en particular, do Blog ( O Blog de Orientación como Guía de Información Aacadémica e Profesional)-. Entendemos que as moitas potencialidades pedagóxicas dos Blogs –como ferramentas multiusos- son unha promesa que hai que potenciar e investigar no centro educativo. En terceiro e último lugar, anotar que o título do traballo: “O Blog como ferramenta na Orientación Educativa” da conta só dunha parte da nosa aportación no I Encontro de Orientadores de Galicia. A outra parte da nosa ponencia trata, entre outros aspectos, sobre as posibilidades de informarnos de maneira automática (usando a sindicación de contidos –rss-) e as novas aplicacións educativas da web 2.0.

2.- Weblog, Blog ou Bitácora: unha ferramenta multiuso.

Un blog (weblog ou bitácora) é –nunha síntese persoal-, unha modalidade de páxina web –sinxela-, sen coste económico, que potencia a participación e a interactividade e que posibilita a sindicación de contidos (rss). A maioría das definicións fan fincapé en considerar os blogs como unha modalidade de paxina web de autoría preferentemente individual, na que os artigos aparecen ordenados pola data de publicación e que se actualiza de maneira frecuente. Na Galipedia [http://gl.wikipedia.org/wiki/Blog] e na Wikipedia [http://es.wikipedia.org/wiki/Blog] podemos ler outras definicións e algunhas características fundamentais dos blogs.

1

No ámbito educativo, as